.jpg)
22 qat Böyük Dəbilqə çempionu, dünyanın bir sabiq nömrəsi Rafael Nadal uzun fasilədən sonra kortlara qayıdır.
Publika.az xəbər verir ki, Brizben şəhərində keçiriləcək ATP-250 turnirində çıxış edəcək ispan tennisçinin ilk rəqibi müəyyənləşib. O, ABŞ-ın açıq çempionatının (2020) qalibi, avstriyalı Dominik Timlə üz-üzə gələcək.
Nadal Brisbendə (DÇ) demək olar ki, bir illik fasilədən sonra ilk rəsmi matçına çıxacaq. 37 yaşlı ispaniyalı ötən mövsümü demək olar ki, tamamilə buraxıb. O, yanvarın 18-də baş tutan “Australian Open 2023” turnirinin ikinci mərhələsində keçirilən oyun zamanı ciddi zədə alıb. Tennisçinin sol ayağının iliopsoas əzələsində gərginlik aşkar edilib.
