“Bayer”in futbolçusu Robert Endrix Avropa Liqasının 1/8 final mərhələsində "Qarabağ”la keçiriləcək oyundan öncə təşkil olunan mətbuat konfransında iştirak edib.
Publika.az xəbər verir ki, 29 yaşlı almaniyalı yarımmüdafiəçi "atlar"ın zəif nöqtəsi haqda danışıb:
“Qarabağ” hücumda çox güclüdür. Müdafiədə isə bir az zəifdirlər. Amma çətin oyun olacaq, çoxlarının təsəvvür etdiyi kimi asan olmayacaq.
İlk matçı səfərdə keçirməyimizi üstünlük hesab edirəm. Təbii ki, səfər qolları qaydası artıq mövcud deyil. Çox istərdim ki, evdə, “Bay Arena”da növbəti mərhələyə adlaya bilək".
