"Barselona"nın prezidenti Xuan Laporta klubun hakimlərə rüşvət verməkdə ittiham olunduğu "Neqreyre işi"ndən danışıb.

Publika.az xəbər verir ki, Laporta "Real"ın "Barsa"nı ədalətsiz oyunda ittiham edərək, bu məsələyə çox diqqət yetirdiyini bildirib:

"Real" özünü çox çirkin aparırdı. Mediada işıqlandırma və işin 6 ay uzadılması çox çirkin addımdır. Niyə bu kartı oynamağa çalışdıqlarını bilmirəm, çünki adətən hakimlər bütün mübahisəli qərarları onların xeyrinə verirlər. Hakimlər öz klublarına üstünlük verirlər. Həm də təkcə bu deyil, televiziyada yayımladıqları görüntülər də. Olmayan bir reallıqda yaşayırlar. Hakimlərin bəyəndiyi yeganə klub "Barsa" deyil, "Real"dır.

Nə yaxşı ki, məhkəmələr bizimlə razılaşır. Biz heç vaxt hakimləri almadığımız üçün günahsız olacağıq. Bu, bizə zərər vermək üçün bir kampaniya idi".

Qeyd edək ki, məhkəmə artıq bağlanan "Neqreyre işində" "Barselona"nın günahsız olduğunu açıqlayıb.

Heybət