"Barselona"nın prezidenti Xuan Laporta VAR-ı qərəzli olmaqda ittiham edib.

Publika.az xəbər verir ki, onun fikrincə, video köməkçi hakimlər korpusu “Real”ın təzyiqi altındadır. Buna görə də onlar həmişə Madrid klubunun xeyrinə qərarlar verirlər:

“Biz narahatıq. "Barselona" toparlanıb və çempionluq yarışında qalmaq istəyir. Biz də ümid edirik ki, rəqiblərimiz büdrəyəcək və sonra fərqi bağlaya bilərik. Bazar günü bu baş verə bilərdi. Lakin "Bernabeu"dakı həmin matçda VAR-ın yaratdığı anlaşılmaz vəziyyəti var idi. Bütün VAR qərarları hakimin qərarları ilə ziddiyyət təşkil edirdi.

İnanıram ki, hakimlərə yardım vasitəsi olan VAR-ın həddindən artıq istifadəsi problemə çevrilir. Qurban rolunu oynamağı sevmirəm, amma ədalətli olmağa borcluyuq.

Biz görürük ki, hakimlərə kömək etməli olan alət onlara kömək etmir, əksinə, işini pisləşdirir. Sanki rəqiblərimizin (red - "Real"ı nəzərdə tutur) ona göstərdiyi təzyiqə görə bu sitemə pis münasibət göstərilib. Bu təzyiq öz bəhrəsini verir. Çünki bütün qərarlar "Real"ın xeyrinə olur”.

Heybət