Azərbaycanlı futbolçu Sərtan Taşkın Türkiyənin “Manisa” klubundan ayrılıb.
Publika.az xəbər verir ki, 26 yaşlı sağ cinah yarımmüdafiəçisi ilə müqaviləyə qarşılıqlı razılıq əsasında xitam verilib. Bu barədə klubun mətbuat xidməti məlumat yayıb.
Qeyd edək ki, Sərtan Taşkın bu ilin yanvar ayında “Turan Tovuz”dan “Manisa”ya keçmişdi. Azərbaycan milli komandasının sabiq üzvü I Liqa təmsilçisinin heyətində 15 rəsmi matçda meydana çıxıb.
