“Football Benchmark” sosial şəbəkəsində Avro-2024-də iştirak edən milli komandaların ən yüksək maaş alan məşqçilərinin reytinqi dərc edilib.

Publika.az xəbər verir ki, birinci yerdə 5,8 milyon avro maaşla İngiltərə yığmasının baş məşqçisi Qaret Sautqeyt qərarlaşıb. İkinci sıranın sahibi Almaniya millisinin məşqçisi Yulian Nagelsmanndır - 4,8 milyon avro. "İlk üçlüy"ü Portuqaliya yığmasına rəhbərlik edən Roberto Martinez (4 milyon avro) qapadıb.

Türkiyə millisinin baş məşqçisi Vinçenso Montella isə 7-ci sırada qərarlaşıb. İtalyan mütəxəssisin məvacibi 1,8 milyon avrodur.

Maraqlıdır ki, İspaniya millisinin baş məşqçisi Luis de la Fuente hətta "ilk onluğ"a (1,2 milyon avro) düşə bilməyib.

Qeyd edək ki, iyulun 14-də Avropa çempionatının final matçı keçiriləcək. Berlində baş tutacaq həledici görüşdə İspaniya və İngiltərə yığmaları üz-üz gələcək.

Heybət