“Arsenal”ın və Fransa millisinin sabiq hücumçusu Tyerri Anri maraqlı açıqlama verib.
Publika.az xəbər verir ki, atası ilə çətin münasibətdən danışıb:
“”Monako”nun gənclər komandasına keçəndən sonra Arsen Venger mənim üçün əvəzedici ata oldu. Düşünürəm ki, bəli, belə idi. Mən Monakoya köçmək ərəfəsində atamla münasibətimdə müəyyən çətinliklər yarandı. O, başa düşmək istəmirdi ki, mən necə evdən çıxıb harasa təkbaşına köçə bilərəm. Amma mən ondan icazə istəmədim, sadəcə əşyalarımı yığıb çıxdım.
O an anladım ki, atamın həyatımda çoxlu təzyiqləri var, həm də onu razı salmaq istəyi. Ancaq məni səhv başa düşməyin: uşaqlar həmişə valideynlərinin istədiyi kimi davranmayacaqlar”.
Anri Arsen Vengerin rəhbərliyi altında “Monako”da (1992-1994) və “Arsenalda” (1999-2007, həmçinin 2012-ci ildə) çıxış edib.
