Moldova Prezidenti Maya Sandu gürcüstanlı həmkarı Salome Zurabişvili ilə telefon danışığı aparıb.
QÜTB.AZ xəbər verir ki, bu barədə Sandu "X" hesabında bildirib.
"Mən indicə Salome Zurabişvili ilə Gürcüstandakı seçkilərlə bağlı danışdım. Moldova azadlıq, demokratiya və Avropanın gələcəyi uğrunda mübarizə aparan bütün gürcüləri dəstəkləyir", - Sandu qeyd edib.
Qeyd edək ki, oktyabrın 26-da Gürcüstanda keçirilən parlament seçkilərində Gürcü Arzusu Partiyası 53.93 faiz səslə qalib gəlib. Müxalifət və Prezident Zurabişvili seçkinin nəticələrini tanımayıb.
