İspaniya çempionatının 32-ci turunun matçında “Jirona” doğma meydanda “Kadis”i məğlub edib – 4:1.
Publika.az xəbər verir ki, bu oyundakı qələbə sayəsində Kataloniya təmsilçisi növbəti mövsümdə avrokuboklarda iştirakı təmin edib. La Liqanın başa çatmasına 6 tur qalmış “Jirona” turnir cədvəlinin üçüncü pilləsində qərarlaşıb. Komanda Avropa Liqasına vəsiqə verən altıncı yerdən aşağı düşməyəcək.
Bununla 1930-cu ildə yaradılan klub tarixində ilk dəfə Avropa yarışlarında mübarizə aparacaq.
Eyni zamanda, klubun daha yüksək dərəcəli turnirdə – Çempionlar Liqasında çıxış etmək üçün kifayət qədər şansı var.
