“Oklahoma Siti Tander”in ulduzu Şay Qilces-Aleksander Milli Basketbol Assosiasiyası tarixində ən yüksək maaşı almaq istəyir.
QÜTB.AZ xəbər verir ki, bu barədə “BasketNews” məlumat yayıb.
Klub 26 yaşlı forvarda supemüqavilə təklif etməyə hazırdır. Böyük ehtimalla Şayla gələn yay dəyəri 300 milyon dollar olan 4 illik müqavilə imzalanacaq. 2030/31 mövsümü üçün basketbolçu potensial olaraq 80 milyon dollar məvacib ala bilər ki, bu da NBA tarixində ən yüksək maaş olacaq.
İndiyədək rekord bu mövsüm “Qolden Steyt”dən 55,7 milyon dollar alacaq Stiven Karriyə məxsusdur. 2026/27 mövsümündə o, 62,5 milyon qazanacaq.
Xatırladaq ki, NBA reytinqində Şat Qilces-Aleksander müntəzəm mövsümün ən dəyərli oyunçusu mükafatına yeni əsas iddiaçıdır.
