Yaponiyanın qərbindəki İşikava əyalətində baş verən zəlzələlərdə həyatını itirənlərin sayı 82-yə yüksəlib.
Publika.az xəbər verir ki, Yaponiya Meteorologiya Agentliyinin (JMA) məlumatına görə, yanvarın 1, 2 və 3-də Noto yarımadasında və İşikava sahillərində 5-7 bal gücündə zəlzələlər baş verib.
Bölgədə baş verən zəlzələlərdə 82 nəfərin həyatını itirdiyi, 300-dən çox yaralının bölgə daxilində müalicə olunduğu açıqlanıb.
Ştat üzrə 165 məktəb və obyektdə qismən ziyan aşkar edilərkən, 30 mindən çox insanın məktəb və idman zalları kimi təxliyyə məntəqələrində qaldığı açıqlanıb.
Bildirilib ki, bölgədə 50-dən çox insanın taleyi məlum deyil.
Roza Şəfi
