“Mançester Siti”nin yeni transferi, müdafiəçi Abdukodir Xusanovun meneceri Qayrat Xasbiullin futbolçu barədə açıqlama verib.

QÜTB.AZ xəbər verir ki, o, özbəkistanlı istedadın Rusiya və Türkiyədən gələn gəlirli maliyyə təkliflərindən imtina edərək karyerasını “Lans”də davam etdirmək variantını seçdiyini bildirib:

“Abdukodirlə təkcə mən yox, daha bir neçə nəfər işləyir. Məqsədimiz isə onun dərhal Avropa çempionatlarına transferinə nail olmaq idi. Sistemli şəkildə və addım-addım buna doğru irəlilədik. “Lans”ı seçəndə nəinki Rusiyadan, hətta Türkiyədən də bir neçə təklifimiz var idi. Onlar pul baxımından daha sərfəli idi. Amma biz Fransa klubunun layihəsini sona qədər izlədik, məşqçinin yanına getdik. Və zaman göstərir ki, düzgün seçim etmişik.

Ancaq uğursuz transferləri və təklifləri müzakirə etmək istəmirəm. Ən əsası odur ki, biz o anda düzgün qərar verdik və vəziyyət bunu sübut edir. "Lans"da çıxış etdikdən il yarım sonra Abdukodir "Mançester Siti"yə keçdi”.

Qeyd eədk ki, Özbəkistan millisinin futbolçusu 2023-cü ilin yayında 450 min avroya Belarusun “Energetika-BGU” klubundan Fransa klubuna keçib. Bu qış isə o, 50 milyon avroya İngiltərə klubuna keçib.

Qutb