Zabrat-Maştağa yolunda yük maşını dərəyə aşıb.
Milli.Az qafqazinfo-ya istinadən xəbər verir ki, hadisə Dövlət Gömrük Komitəsinin Akademiyasının qarşısında baş verib.
Bakı Şəhər Dövlət Yol Polisi İdarəsinin (DYP) baş inspektoru Araz Əsgərli bildirib ki, hadisənin baş vermə səbəbi sürücünün idarəetməni itirməsi olub:
"Qəza zamanı ölən və ciddi xəsarət alan olmasa da, maşının çırpıldığı svetefor sıradan çıxıb. Sürücülərdən yollarda xüsusilə diqqətli olmaları xahiş olunur."
Qeyd edək ki, bir neçə ay əvvəl eyni ərazidə qeydə alınmış qəzada Dövlət Gömrük Komitəsinin Akademiyasının bir tələbəsi və bir əməkdaşı vəfat etmişdi.
Milli.Az
