İslandiyanın cənub-qərbindəki Qrindavik şəhəri yaxınlığındakı Faqradalsfyal vulkanı yenidən aktivləşib.
Publika.az xəbər verir ki, lava 4 min əhalisi olan şəhərə çatıb və evləri od topuna çevirib. Qrindavik sakinlərinin əksəriyyəti ehtiyat tədbiri olaraq təxliyə edilib. Lavanın qəsəbəyə çatmasının qarşısını almaq üçün torpaq və qayalardan sədd çəkilsə də, sonuncu partlayışdan sonra lava bu maneələri yarıb.
İki il əvvələ qədər Qrindavikin yerləşdiyi Reykjanes yarımadasında səkkiz əsr ərzində heç bir püskürmə baş verməyib.
Prezident Qudni Yohannesson vulkan püskürməsindən sonra heç bir vətəndaş üçün həyati təhlükənin olmadığını açıqlayıb.
Roza Şəfiyeva
