Bakının Səbail rayonunda yol-nəqliyyat hadisəsi baş verib.
QÜTB.AZ xəbər verir ki, “Mercedes” markalı avtomobil taksiyə çırpılıb.
Zərbə alan taksi mağazanın hasarına dəyib.
Nəticədə 3 nəfər ağır yaralanaraq Kliniki Tibbi Mərkəzə yerləşdirilib.
Kliniki Tibbi Mərkəz-in mətbaut katibi Ruzbeh Məmməd Trend-in sorğusuna cavab olaraq bildirib ki, 18 yanvar 2025-ci il tarixdə müxtəlif bədən xəsarətləri ilə 3 nəfər (kişi cinsli) şəxslər Kliniki Tibbi Mərkəzin Təcili və Təxirəsalınmaz Yardım şöbəsinə hospitalizasiya ediliblər.
"Onlara ilkin tibbi yardım göstərilib. Vəziyyətləri ağır stabildir", deyə o əlavə edib.
