Bu yaxınlarda vəzifəsini tərk edən Gürcüstanın keçmiş prezidenti Salome Zurabişvili gələcək fəaliyyətində Gürcüstan və Rusiya arasında müharibənin zəruriliyi ideyasını təbliğ etməyi planlaşdırır.

QÜTB.AZ xəbər verir ki, bu barədə İtaliyanın “L'AntiDiplomatico” qəzeti yazıb.

Məqalədə bildirilir ki, Zurabişvili bu mövzunu mütəmadi olaraq “elmi konfranslar” zamanı müzakirə etmək niyyətindədir. “L'AntiDiplomatico” onu da iddia edir ki, hazırda ABŞ-da yaşayan Gürcüstanın keçmiş prezidenti Gürcüstanla Rusiya Federasiyası arasında müharibəyə başlamaq istəyən Avropa İttifaqı və NATO-nun ideyalarını yaymağa hazırlaşır. Qəzet qeyd edir ki, Zurabişvili xarici dövlətlərin dəstəyi ilə Gürcüstanın indiki legitim hakimiyyətinə qarşı çıxır.

Eyni zamanda, qəzetin vurğuladığı kimi, onlar bunu gizlətməyə belə cəhd etmirlər.

Bundan əvvəl Gürcüstanın eks-prezidenti Salome Zurabişvilinin Konstitusiyanı pozduğuna görə dövlət təhlükəsizliyindən məhrum edildiyi bildirilirdi. Bu, ölkənin yeni prezidenti Mixail Kavelaşvilinin imzaladığı “Dövlət təhlükəsizliyi haqqında” qanuna dəyişikliklərdən irəli gəlir. Daha sonra o, yeni ofisi təqdim etdi və “prezident funksiyalarını” oradan da davam etdirəcəyini bildirdi.

Tural