Ölkə ərazisində davam edən qarlı hava şəraiti Zəngilanda da müşahidə olunur. Qar hər yeri ağ örpəyə bürüyüb. Rayonun Ağalı kəndində isə qar yaratdığı mənzərə daha diqqət çəkir.
Publika.az xəbər verir ki, Zəngilan rayonunda bugün saat 18 radələrində qar yağmağa başlayıb.
Əvvəlcə narın qar müşahidə edilsə də qısa müddətdə yağıntı güclənib. Uzun illərdir yurd həsrəti ilə yaşayan Ağalı sakinləri indi qışın qar sevincini də öz kəndlərində yaşayır. Gecələri çil-çıraqlı olan kənd həm də ağ örpəyi ilə daha gözəlləşib, hazırda rayon ərazisində qar yağıntısı davam edir.
Qeyd edək ki, havalar şaxtalı qarlı olmasına baxmayaraq kənddə həyat öz axarı ilə davam edir. Zəngilan rayonu Ağalı kəndindən fotoları təqdim edirik.
