Rusiya Xarici İşlər Nazirliyinin rəsmi nümayəndəsi Mariya Zaxarovaya Soçidə “Xarıbülbül” broşu hədiyyə edilib.
Publika.az xəbər verir ki, Soçidə keçirilən Rusiya "Bilik" Cəmiyyətinin Federal Təhsil Marafonu - “Bilik.Birincilər” marafonu çərçivəsində Azərbaycanlı qadın Zaxarovaya 44 günlük Vətən müharibəsində qələbənin simvolu olan “Xarıbülbül” broşu hədiyyə edib.
Qeyd edək ki, 2 mart - 6 mart 2024-cü il tarixlərində baş tutacaq marafon Soçidə 2024 - Dünya Gənclər Festivalı çərçivəsində keçirilir. Marafonda natiqlər arasında Zaxarova ilə yanaşı, alimlər, iri şirkətlərin rəhbərləri, uğurlu sahibkarlar, mədəniyyət və incəsənət ustaları, Rusiyanın və dünyanın dövlət və ictimai xadimləri yer alırlar.
Prod by XSON
