Türkiyə prezidenti Rəcəb Tayyib Ərdoğanın Misirin paytaxtı Qahirəyə səfəri dünya mətbuatında geniş işıqlandırılıb.

Publika.az xəbər verir ki, Ərdoğan və Misir prezidenti Əbdülfəttah Əs-Sisi Qahirədə keçirdikləri görüşdən sonra birgə mətbuat konfransı keçirib.

“Ərdoğan-Sisi görüşündən sonra Türkiyə nə əldə etdi?” sualına cavab axtaran Yunanıstanın "Ethnos" qəzeti Ərdoğanın Şərqi Aralıq dənizi planı ilə bağlı “İqlim çox uyğundur” şərhini qeyd edib:

“İlk baxışda Ərdoğanın xüsusilə Şərqi Aralıq dənizində dividend qazanacağına ümid etdiyi bəyanatlar, qəbullar və qırmızı xalçalardan çox müsbət bir atmosfer yaranıb. Ərdoğanın istədiyi Aralıq dənizi qazından ən böyük payı ala bilmələri üçün MEB sazişinin toxumlarını əkmək idi. O, Sisiyə “Biz Şərqi Aralıq dənizinin ən böyük iki ölkəsiyik” dedi. Bəyan etdi ki, "burada biz birlikdə sərmayə qoya və mövcud enerji sərvətindən faydalana bilərik". Şübhəsiz ki, Yunanıstanla razılaşdığından daha çoxunu Misirə göndərdi”, - nəşr yazıb.

Roza Şəfiyeva