Yaponiyanın mərkəzi hissəsində daha bir güclü zəlzələ baş verib.

Publika.az xəbər verir ki, bu barədə ölkənin Milli Meteorologiya Agentliyi məlumat yayıb

Bildirilib ki, təkanlar 5,5 bal gücündə olub və sunami xəbərdarlığı elan edilməyib.

Bazar ertəsindən bəri Yaponiyada müxtəlif gücdə 300-dən çox zəlzələ baş verib. Ən güclünün maqnitudası 7,6 təşkil edib. Sunami xəbərdarlığı ölkənin bütün qərb sahillərində 20 saatdan çox müddət ərzində qüvvədə qalıb.

Zəlzələ Yaponiyanın bu hissəsində 1885-ci ildən bəri ən güclü zəlzələ olub. Seysmoloqlar xəbərdarlıq edirlər ki, bu bölgədə afterşoklar təxminən bir həftə davam edəcək. Maqnitudası 7-dən yuxarı olan daha güclü zəlzələlər təhlükəsi var.

Yerli sakinlər ehtiyatlı olmalı, fövqəladə hallar xidmətləri və səlahiyyətlilərin rəsmi xəbərdarlıq və tövsiyələrinə əməl etməyə çağırılır.

Son məlumatlara görə, Yaponiyada baş verən silsilə zəlzələlər nəticəsində azı 62 nəfər ölüb, 100-dən çox insan yaralanıb. Zəlzələlər İşikava prefekturasında böyük dağıntılara səbəb olub.

Hüseyn İbadlı