Məktəb yaşlı uşaqlar axşam saat 22:00-da yatmalıdır.
Publika.az “Karar.com”a istinadən xəbər verir ki, bu sözləri tanınmış türkiyəli həkim Aliye Özenoğlu deyib.
O bildirib ki, gecəyə qədər kompüter, planşet və telefon başında vaxt keçirən uşaqların yuxu rejimi və qidalanma vərdişləri pozulur.
“Gecə oyaq qalan uşaqlar tez-tez yeyib-içməyə meyllidirlər. Bu nizamsızlıq onların səhər tox oyanmasına səbəb olur və həyatın bioloji tarazlığının pozulmasına gətirib çıxarır. Səhər yeməyi məktəbə gedən bir uşağın zehni inkişafı üçün son dərəcə vacibdir.
Uşaqların sağlam böyüməsi və inkişafı, mənəvi və ruhi sağlamlığı üçün vaxtında və kifayət qədər yatması böyük əhəmiyyət kəsb edir. Xüsusən də məktəb yaşlı uşaqlar axşam saat 22:00-dan gec olmayaraq 8 saat yuxu yatmalıdır”.
Gülnar
