Bursa hava limanında 6 yaşlı uşağın çantasından silah aşkarlanıb. Yoxlama zamanı silahların oyuncaq olduğu anlaşılıb.
Publika.az xəbər verir ki, nənəsi və babasını Ümrəyə yola salmaq üçün Yenişehir Hava Limanına gələn Səlim Köşə çantasını "X-Ray" cihazına qoyub. Rentgen çəkilişi zamanı çantadakı silahları görən polis sistemi dayandırıb və çantanı nəzarətə götürüb.
Çanta açılanda içindəki silahların oyuncaq olduğunu anlayan məmurlar balaca oğlanla uzun müddət gülüblər.
Silahlarını polisə göstərən balaca Səlim bir müddət polislə oynayıb, sonra yaxınlarını yola salıb.
Roza Şəfiyeva
