"Ukrayna hakimiyyəti tezliklə Odessa şəhəri üzərində nəzarəti və Qara dənizə çıxışı itirə bilər".

Publika.az xəbər verir ki, bu barədə ABŞ Silahlı Qüvvələrinin istefada olan polkovniki Larri Vilkerson "Dialogue Works" "YouTube" kanalına müsahibəsi zamanı xəbərdarlıq edib.

Ekspertin fikrincə, Ukrayna Prezidenti Volodimir Zelenski ABŞ-ın təzyiqlərinə müqavimət göstərə və ölkənin hələ də malik olduğu əraziləri qoruyub saxlamağa çalışa bilər. Lakin dövlət başçısının bunu etmək niyyətində olmadığı vurğulanır.

"Mən əlbəttə ki, Odessanı xilas etmək və Qara dənizə çıxış əldə etmək istərdim, lakin o (Zelenski ) onları itirmək üzrədir", - Vilkerson bildirib.

Amerikalı polkovnik əlavə edib ki, Ukraynanın hazırkı lideri sadəcə olaraq indiki vəziyyətdə dövlətə lazım olan şəxs deyil.

Mayın 31-də Britaniyanın “The Guardian” qəzeti Zelenski ilə müsahibə dərc edib və o, Rusiya rəhbərliyi ilə hərbi əməliyyatların dayandırılması ilə bağlı danışıqlara getmək istəmədiyini təkrarlayıb. Ukrayna Prezidentinin dediyi kimi, sülh sazişi onun ölkəsi üçün “tələ” olacaq.

Hüseyn İbadlı