“Ruslar 2027-ci ildən sonra kifayət qədər resurs toplayanda hərbi cəbhədə “güclü sıçrayış” edə biləcəklər”.

QÜTB.AZ xəbər verir ki, bunu Ukraynanın Böyük Britaniyadakı səfiri, Ukrayna Silahlı Qüvvələrinin keçmiş baş komandanı Valeri Zalujnı bildirib.

“Müharibə elmi-texniki tərəqqinin təkərini itələyir və fırlanır. Döyüş meydanında robotlar göründüyü üçün nə ruslar, nə də biz irəliləyə bilmədik. Müəyyən bir sönüklük yarandı və bu tendensiya indi də davam edir... Mənim öz nəzəriyyəmə görə, texno-təkamül prosesi başa çatdıqda və texnoloji materialların yığılması prosesi başlayanda aktiv hücum etmək qabiliyyəti bərpa olunacaq. Mənim hesablamalarıma görə, bu, 2027-ci ildən sonra baş verəcək”, - deyə səfir bildirib.

O əlavə edib ki, ruslar çox güman ki, əraziləri aqressiv şəkildə fəth etməkdən imtina edəcək və “aclıqdan öldürmə” taktikasından istifadə edə bilərlər.

Hüseyn İbadlı