Türkiyənin xarici işlər naziri Hakan Fidan Suriya ərazisində yerləşən Kürdüstan Fəhlə Partiyasının (PKK) silahlılarına ultimatum verilməsindən danışıb.
QÜTB.AZ xəbər verir ki, diplomatın sözlərindən "CNN Türk" sitat gətirib.
“Biz silahı yerə qoyub ölkəni tərk etmək zərurəti ilə bağlı ultimatum verdik. Baxırıq ki, vaxt udmaq cəhdləri var”, - deyə Fidan bildirib.
O vurğulayıb ki, PKK-nın zamanla dalana dirənmək cəhdləri cavabsız qalmayacaq və ultimatuma məhəl qoymamaq Türkiyə tərəfindən hərbi əməliyyatlara səbəb ola bilər.
Dekabrda Türkiyə mediası Dəməşq və Ankaranın silahı yerə qoymaqdan imtina edən terrorçulara qarşı birgə hərbi əməliyyat keçirə biləcəyini yazıb.
Hüseyn İbadlı
