İsrailin şimalında turist nadir artefakt tapıb.
Publika.az xəbər verir ki, bu barədə “Arkeonews” arxeologiya xəbər portalı məlumat verib. Bildirilir ki, möhür 2800 il əvvəl Assuriyalı məmura məxsus ola bilər.
İsraildə səyahət edən 45 yaşlı Erez Abramov möhürü Tel Rekeş təpəsinin ətəyində tapıb. Burada Anaarat şəhərinin xarabalıqları var.
Tapıntı eramızdan əvvəl VIII əsrdə Assuriya və ya Babil məmurlarının bölgədə olması ehtimalını göstərir. Möhür, ehtimal ki, 2800 il əvvəl hansısa məmur tərəfindən istifadə edilib.
Dırnaq ölçüsündə olan möhür qırmızı-qəhvəyi rəngdədir. Daşın bir tərəfində böcək, digər tərəfində isə mifik məxluqun (qanadlı at) fiquru var. Kəşf İsraildə mövcud olmuş Assuriya administrasiyası haqqında məlumat verir.
Tural
