Prod by XSON
Tramvay və trolleybuslar geri qayıdır? - AÇIQLAMA
"Tramvay və trolleybusların inkişaf etdirilməsi, onların ölkəyə gətirilməsi nəqliyyat infrastrukturunda ən başlıca mövqelərdən biridir".
Bu sözləri QUTB.AZ-a açıqlamasında nəqliyyat eksperti Aslan Əsədov bildirib.
Ekspertin sözlərinə görə, sözügedən nəqliyyat vasitələrindən istifadə real görünür:
"Çünki nəqliyyat infrastrukturunda tramvay, trolleybus, metronun olması ekologiyanın qorunmasıdır. Bu nəqliyyat vasitələri elektrik enerjisi ilə işlədiyinə görə ölkə ərazisinə çəkilməsi inkişaf gətirəcək haldır. Nəyinki paytaxtda hətta Sumqayıt, Mingəçevir, Gəncə kimi şəhər və qəsəbələrimizdə tramvay və trolleybuslar bir zamanlar olub. Buna görə də bununla bağlı müəyyən fikirlər irəli sürdükcə insanlar bunlara geri dönüşün mümkünlüyünü pozitiv hisslərlə yaşayırlar".
