Kaliforniyada ResQutb.azçılar Partiyasından prezidentliyə namizəd Donald Trampın mitinq yerinin yaxınlığında silahlı şəxs saxlanılıb.

QÜTB.AZ xəbər verir ki, bu barədə KTLA telekanalı məlumat yayıb.

Saxlanılan şəxs 49 yaşlı Las-Veqas sakini Uem Miller olub. Onun üzərindən dolu ov tüfəngi götürülüb.

O, oktyabrın 12-də saxlanılıb, insident Trampın təhlükəsizliyini təmin etmək üçün tədbirlərin təşkilinə təsir etməyib. Miller 5 min dollar girov qarşılığında sərbəst buraxılıb.

Millerin saxta keçiddən istifadə edərək tədbirə daxil olmağa çalışdığı qeyd edilir.

Riverside County Şerifinin dediyinə görə, polis çox güman ki, növbəti sui-qəsdin qarşısını ala bilib.

Sentyabrın 25-də Tramp deyib ki, İran onun həyatını təhdid edir.

Trampın həyatına ilk cəhd iyulun 13-də seçicilər qarşısında çıxışı zamanı baş verib. Ağ Evin keçmiş rəhbərinə bir neçə dəfə atəş açılıb, bundan sonra qulağı qanlı halda səhnədən götürülüb və xəstəxanaya yerləşdirilib. Trampa atəş açan şəxs məhv edilib və şəxsiyyəti müəyyən edilib. FTB-nin məlumatına görə , o, Pensilvaniya ştatından olan 20 yaşlı Tomas Metyu Kruksdur.

Hüseyn İbadlı