Türkiyənin Montrö Konvensiyası ilə bağlı mövqeyi NATO-nun Ukraynaya dəniz yardımına mane olur.

Publika.az xəbər verir ki, bunu ABŞ-ın Türkiyədəki səfiri Ceff Flake “CNN Türk” telekanalına müsahibəsində deyib.

“Türkiyə Montrö Konvensiyasını tətbiq etməklə çox faydalı olub, amma eyni zamanda müttəfiqlərin Ukrayna üçün təchizat məsələlərini həll etməsinə mane olur”, - diplomat bildirib.

Montrö konvensiyasına görə, Türkiyə Bosfor və Çanaqqala boğazlarına nəzarət edə, hərbi gəmilərin oraya daxil olmasına mane ola bilər. Türkiyə Rusiyanın Ukraynada xüsusi hərbi əməliyyatına başlayandan sonra boğazlar zonasını münaqişədə iştirak edən və sahilyanı olmayan ölkələrin hərbi gəmilərinin keçidi üçün bağlayıb.

Bundan əvvəl Türkiyənin müxalif Cümhuriyyət Xalq Partiyasının (CHP) lideri Özgür Özəl Türkiyənin Rusiyaya qarşı sanksiyalara qoşulmaqdan imtina etməsini düzgün adlandırıb. O, həmçinin Montrö Konvensiyasının həyata keçirilməsini də düzgün hesab edir.

Tural