ABŞ-ın yeni seçilmiş prezidenti Donald Tramp Çinə güclü siqnal göndərmək üçün Qrenlandiya üzərində nəzarəti ələ keçirmək istəyir.

QÜTB.AZ xəbər verir ki, bu barədə “The New York Post” mənbəyə istinadən məlumat yayıb.

“Pekinə güclü, yaxşı düşünülmüş mesaj göndərir. Təkcə danışıq yox, fəaliyyət də lazımdır”, – nəşr yazır. Nəşrin həmsöhbətinin sözlərinə görə, siyasətçi “Tramp doktrinasının əsasını” qoyur.

Atlantik Şuranın qeyri-ştat tədqiqatçısı Aleks Plitsasın fikrincə isə Trampın Qrenlandiyanı almaqda maraqlı olması iki səbəblə izah oluna bilər.

“Birincisi, adada "kritik müdafiə və elektronika istehsalı" üçün zəruri olan nadir torpaq elementlərinin böyük yataqlarının olmasıdır.

İkincisi, Qrenlandiyanın Arktikaya qanuni olaraq böyük iddiası var və bu, ABŞ-a gəmiçilik və resurslar üçün artan rəqabət qarşısında daha güclü mövqe verəcək", - deyə Plitsas izah edib.

Tural