Əlcəzair Futbol Federasiyası (FAF) "Real”ın sabiq baş məşqçisi Zinəddin Zidana millini çalışdırmaqla bağlı yeni təklif göndərəcək.
Publika.az xəbər verir ki, federasiya Zidana bir dəfə təklif göndərib, amma o, bundan imtina edib. Buna baxmayaraq əlcəzairlilər geri çəkilmirlər.
Bu barədə RMC Sport məlumat yayıb. Mənbənin sözlərinə görə, FAF sponsorların köməyi sayəsində fransız mütəxəssisə təklifi xeyli yaxşılaşdıracaq. Zidanın ətrafının onun bu təklifi diqqətlə öyrənməsinin tərəfdarı olduğu da vurğulanır.
Xatırladaq ki, bir müddət əvvəl, yanvarın 24-də Əlcəzair Futbol Federasiyasının prezidenti Valid Sadi Afrika Millətlər Kubokunda uğursuz çıxış etdiyi üçün Əlcəzair milli komandasının baş məşqçisi Camal Belmadinin istefaya göndərildiyini bilirmişdi.
