Sosial şəbəkələrdə Şuşada ilk körpənin iyunun 24-də dünyaya gəlməsi ilə bağlı iddialar yayılıb.
QÜTB.AZ xəbər verir ki, TƏBİB-in İctimaiyyətlə əlaqələr şöbəsinin müdiri Elnur Hidayətoğlu "Unikal"a açıqlamasında səsləndirilən iddianın doğru olmadığını deyib.
"Şuşada modul tipli xəstəxanada doğulan ilk uşaq bu gün dünyaya gəlib. Ola bilsin, Şuşa sakini hansısa başqa bir rayonda körpə dünyaya gətirib. Şuşada cəmi bir xəstəxana fəaliyyət göstərir. Orada da körpə bu gün doğulub", - deyə TƏBİB rəsmisi bildirib.
Qeyd edək ki, sosial şəbəkələrdə işğaldan azad olunduqdan sonra Şuşada ilk dünyaya gələn körpənin Zeynallı Süleyman Toğrul olduğu və onun iyunun 24-də doğulduğu bildirilirdi.
