Cənubi Koreyanın 1 dekabr 2023-cü ildə kosmosa göndərdiyi ilk hərbi casus peykindən Şimali Koreyadakı bölgələrin görüntüləri paylaşılıb.
Publika.az xəbər verir ki, bu barədə "Yonhap" agentliyi Cənubi Koreyadakı hərbi mənbələrə əsasən məlumat yayıb.
Bildirilib ki, casus peykdən sınaq yayımı çərçivəsində fotolar əldə olunub.
Adı açıqlanmayan hərbçi, "son zamanlar ötürülən və redaktə edilən peyk fotoşəkillərinə baxanda, gözlənildiyi qədər yaxşı olduğu görünür" deyib.
O bildirib ki, fotolarda Pxenyanın mərkəzi və limanlarındakı gəmilər aydın görünür.
Hərbi mənbələr ilk fotoşəkillərin görüntü keyfiyyətinin daha da yüksəlməsinin və planlaşdırıldığı kimi peykin iyun və ya iyul aylarında tam kəşfiyyat missiyasına başlamasının gözlənildiyini açıqlayıblar.
Roza Şəfiyeva
