İslam İnqilabı Keşikçiləri Korpusunun (SEPAH) komandiri Həsən Həsənzadə qadınlar üçün sərt geyim qaydalarına riayət etmək üçün yeni strukturunun yaradıldığını bildirib.

Publika.az xəbər verir ki, SEPAH rəhbərlərindən birinin dediyinə görə, qadınların ictimai yerlərdə hicab geyinməsini “daha ​​məsuliyyətlə” təmin etmək üçün əməkdaşlar xüsusi təlim keçiblər.

“Azadlıq” radiosunun İran xidmətinin xəbərinə görə, bu açıqlama İran hakimiyyətinin son günlər əxlaq yoxlanışlarını gücləndirdiyinə dair xəbərlərdən sonra verilib.

İranda 2022-ci ilin sentyabrında əxlaq polisi tərəfindən düzgün hicab geyinmədiyi üçün saxlanılan tələbə Məhsa Əmininin həbsdə ölməsindən sonra ölkədə kütləvi küçə etirazları başlayıb. Etirazlar bir neçə ay davam etdi və onilliklər ərzində İranın mühafizəkar rəhbərliyinə qarşı ən ciddi çağırışlardan birinə çevrildi. Toqquşmalarda yüzlərlə insan həlak olub, minlərlə insan həbs edilib, bir neçə etirazçı edam edilib.

Tural