Zəngəzurda (Sünik) tərxis olunmuş erməni əsgərlərini daşıyan avtomobil qəzaya düşüb.

Publika.az Ermənistan mətbuatına istinadla xəbər verir ki, hadisə nəticəsində 2 nəfər ölüb, 5 nəfər isə yaralanıb. Ölənlərdən birinin sürücü olduğu bildirilir.

Məlumatı Ermənistan Daxili İşlər Nazirliyinin mətbuat katibi Narek Sarkisyan “Sputnik Ermənistan”a təsdiqləyib.

“İlkin məlumatlara görə, tərxis olunan hərbçilər İrəvan istiqamətində taksi ilə hərəkət ediblər. Ölənlərdən biri sürücü, biri sərnişindir. İlkin məlumata görə, tibb müəssisəsinə müraciət edən şəxslərdən ikisinin vəziyyəti ağır, ikisinin orta ağır, birinin vəziyyəti isə qənaətbəxşdir. Faktla bağlı cinayət işi başlanıb. Müstəntiqlər hadisə yerindədir, zəruri və təxirəsalınmaz istintaq hərəkətləri həyata keçirirlər”, - Ermənistan İstintaq Komitəsinin mətbuat katibi Qor Abramyan məlumat verib.

Akqabay