Ermənistan Parlamentinin sədri Alen Simonyan və Azərbaycan Parlamentinin sədri Sahibə Qafarova oktyabrda Cenevrədə ölkələr arasında sülh yolu ilə nizamlanma məsələsi ilə bağlı görüşəcəklər.

QÜTB.AZ xəbər verir ki, "RİA Novosti" bu barədə Parlamentlərarası İttifaqın (Pİ) mətbuat katibi Tomas Fitzsimonsa istinadla məlumat yayıb.

“Ermənistan və Azərbaycan parlamentlərinin sədrlərinin ikitərəfli görüşü oktyabrın 13-dən 17-dək Cenevrədə Parlamentlərarası İttifaqın 149-cu Assambleyası çərçivəsində üçüncü dəfə keçiriləcək”, - məlumatda deyilir.

Onun sözlərinə görə, görüşün dəqiq tarixi hələ açıqlanmayıb. Fitzsimons həmçinin qeyd edib ki, bu görüş regionda sülh səylərinə fayda verməlidir.

Xatırladaq ki, bundan əvvə mayın 16-da Ermənistan və Azərbaycanın qanunverici orqanlarının rəhbərləri l görüşüblər.

Azərbaycanın xarici işlər naziri Ceyhun Bayramov Nyu-Yorkda “Gələcək Sammit”də çıxışı zamanı bildirib ki, Bakı İrəvanı tərəflər arasında sülh müqaviləsinin imzalanmasına maneələrin aradan qaldırılması üçün tədbirlər görməyə çağırır .

Hüseyn İbadlı