“Mançester Siti” “Yuventus”un 24 yaşlı sol cinah müdafiəçisi Andrea Kambiaso üçün 65 milyon avroluq təklif hazırlayır.
QÜTB.AZ xəbər verir ki, bu barədə “La Gazzetta dello Sport” məlumat yayıb. Mənbənin məlumatına görə, Turin klubu yarımmüdafiəçinin transferi üçün “şəhərlilər”dən 80 milyon avro istəmək niyyətindədir.
“Mançester Siti”nin Kambiasonu almaq üçün bu gün, yanvarın 24-də rəsmi təklif verməyi planlaşdırdığı vurğulanır.
Bu mövsüm Kambiaso bütün yarışlarda 27 matçda iştirak edib, iki qol vurub və iki məhsuldar ötürmə edib. Futbolçunun klubla müqaviləsi 2029-cu ilin yayına kimi nəzərdə tutulub. “Transfermarkt” portalında verilən məlumata görə, futbolçunun bazar dəyəri 40 milyon avrodur.
