Gürcüstanın həbsdə olan sabiq prezidenti Mixeil Saakaşvili müxalifətə ilin sonunda keçiriləcək prezident seçkilərində vahid namizədin müəyyənləşdirilməsi təklifi ilə çıxış edib.

Publika.az xəbər verir ki, bu barədə o, öz "Facebook" səhifəsində yazıb.

"Mən müxalifətdən kimin prezidentliyə namizəd ola biləcəyini təxminən bilirəm, amma başqalarının fikirləri ilə də maraqlanıram", - Saakaşvili deyib.

Siyasətçi Gürcüstanın hazırkı prezidenti Salome Zurabişvilinin parlamentdə illik hesabatını müsbət qiymətləndirib. Saakaşvilinin sözlərinə görə, hesabatda ölkədəki bütün qərbyönlü qüvvələrin birləşməsinə çağırış xüsusilə vacibdir.

"Oliqarx Bidzina İvanişvilinin hakimiyyəti tükənib və qarşıdan gələn parlament seçkilərində Gürcüstanı onun caynağından azad etmək lazımdır", - Gürcüstanın eks-prezidenti vurğulayıb.

Saakaşvili yanvarın sonunda Gürcüstanın baş naziri İrakli Qaribaşvilinin istefasını şərh edib. O, hakim “Gürcü Arzusu – Demokratik Gürcüstan” partiyasının sədri İrakli Kobaxidzenin təyin olunmasını gürcü xalqını ələ salmaq kimi qiymətləndirib .

Bundan əvvəl Saakaşvili özünü Gürcüstan uğrunda Rusiyaya qarşı döyüşçü adlandırmışdı.

Hüseyn İbadlı