Oktyabrın ortalarında İsrail Livandakı münaqişəyə son qoymaq üçün ABŞ-a öz şərtlərini açıqladı.
QÜTB.AZ xəbər verir ki, bu barədə Amerika və İsrail rəsmilərinin mənbələrinə istinadən "Axios" məlumat yayıb.
“Keçən həftə İsrail Livandakı müharibəni dayandırmaq üçün diplomatik həll şərtləri olan bir sənədi ABŞ-a təhvil verib”, - nəşr yazır.
Mənbələrin bildirdiyinə görə, şərtlərdən biri İsrailə Livanın şiə "Hizbullah" qruplaşmasının yenidən silahlanmasının qarşısını almağa yönəlmiş “aktiv məcburi əməliyyatlar” keçirmək hüququnun verilməsidir.
Adı açıqlanmayan bir Amerika rəsmisi deyib ki, Beyrut və beynəlxalq ictimaiyyət çətin ki, bu şərtlərlə razılaşsın, çünki onlar “Livanın suverenliyinə ciddi zərbə vuracaq”.
Adəm Abbaslı
