Mahaçqalada təhlükəsizlik qüvvələri ilə toqquşan silahlıların Dağıstanın Serqokalinski rayonunun rəhbəri Maqomed Ömərovun oğulları olduğu üzə çıxıb.
Publika.az xəbər verir ki, Osman və Adil Ömərovlar hüquq-mühafizə orqanlarının əməkdaşları ilə atışma zamanı həlak olublar.
Rusiya Milli Antiterror Komitəsi (MTK) Mahaçqalada üç hücumçunun məhv edildiyini, ikisinin Dərbənddə zərərsizləşdirildiyini təsdiqləyib .
Baza Telegram kanalının məlumatına görə, üçüncü yaraqlı 32 yaşlı Abdusamad Amadzievdir.
Öz növbəsində Dağıstan Respublikasının Daxili İşlər Nazirliyi Mahaçqalada dörd terrorçunun məhv edilməsi barədə məlumat yayıb.
“İnterfaks”ın hüquq-mühafizə orqanlarındakı mənbəsi dəqiqləşdirib ki, Mahaçqalada məhv edilən dörd yaraqlıdan üçünün şəxsiyyəti müəyyən edilib. Onların hamısı respublikanın Serqokalinski rayonunun rəhbəri Maqomed Ömərovun qohumlarıdır.
Tural
