NATO-ya üzv ölkələrin 2014-cü ildə müdafiə xərclərinin 2023-cü ildəki ilə müqayisəsi onu göstərir ki, demək olar ki, bütün ölkələr müdafiə üçün daha çox pul ayırır.
Publika.az xəbər verir ki, bu barədə “Politico” nəşri məlumat yayıb.
Xərclərdə ən böyük yüksəliş Polşanın payına düşüb. 2014-cü ildə müdafiə xərcləri ÜDM-in 1,9 faizini təşkil edib və 2023-cü ildə 3,9 faizə yüksəlib.
Beynəlxalq Strateji Araşdırmalar İnstitutunun yeni hesabatına görə, qlobal hərbi xərclər 2023-cü ildə illik müqayisədə 9 faiz artaraq rekord həddə - 2,2 trilyon dollara çatıb. Çoxsaylı silahlı münaqişələr qlobal qeyri-sabitliyi artırıb.
Bundan əvvəl ABŞ-ın keçmiş prezidenti Donald Tramp seçki kampaniyası çərçivəsində Rusiyanın blok qarşısında maliyyə öhdəliklərini yerinə yetirməyən NATO ölkələrinə hücumlarını təşviq edəcəyini bildirib.
“Hər kəs borcunu ödəməlidir”, - deyə Tramp qeyd edib.
Cəmilə
