Rusiya ABŞ döyüş təyyarəsini ölkəyə təhlükəsiz şəkildə gətirə bilən şəxslərə pul mükafatı və vətəndaşlıq təklif edəcək.

Publika.az xəbər verir ki, Moskva F-16 təyyarələrini zədəsiz ələ keçirmək istəyir. Buna görə də təyyarəni təhvil verən pilotlara 1 milyon dollar (1.7 milyon manat) mükafat verəcəyini bildirib. Eyni zamanda həvəsləndirmək üçün Rusiya vətəndaşlığı vədi də verilib.

Bundan əlavə, F-16-lardan müxtəlif növ raketlər və bombalar aşkar edilərsə, pilotun alacağı mükafat 1 milyon dolları keçəcək.

Qeyd edək ki, ABŞ və İngiltərədə təhsil alan ukraynalı pilotlar bu il F-16 təyyarələrinin Kiyevə çatdırılması ilə ilk hava əməliyyatlarını həyata keçirəcəklər.

Onu da nəzərinizə çatdıraq ki, Rusiyanın “Fores” neft şirkəti isə F-16-nı vurmağı bacaran ilk rus əsgərinə 168 min dollar (285 min manat) mükafat vəd etmişdi. Bu mükafatlar ABŞ istehsalı olan təyyarələrə və Qərb sursatlarına yaxından baxmaq istəyən rusların diqqətini cəlb edir.

Roza Şəfiyeva