Rusiya hərbçiləri Xerson istiqamətində Dnepr qoşun qrupunun şəxsi heyətini yerləşdirmək və onlara xidmət göstərmək üçün “yeraltı şəhər” yaradıb. FOTO
Publika.az xəbər verir ki, bu barədə “RİA Novosti” məlumat yayıb.
“Dnepr” qoşunlar qrupunun geyim xidmətinin rəisi, Lis çağırış nişanlı hərbçi bildirib ki, hərbçilər şəxsi heyəti artilleriya mərmilərindən, qəlpələrdən və pilotsuz təyyarələrdən qorumaq üçün yeraltı şəhər yaradıblar.
"Ən vacibi özünüzü qorumaq və döyüş tapşırıqlarını yerinə yetirmək üçün şəxsi heyəti xilas etməkdir", - hərbçi deyib. O əlavə edib ki, “yeraltı şəhər”də yaşayış yerləri, mətbəx, yeməkxana, hamam, idman zalı, camaşırxana, qurutma otağı, geyim təmiri sexi, bərbər var.
Şəhərin keçidlərinin və xəndəklərinin uzunluğu üç kilometri ötür, kommunikasiyalar isə təxminən üç metr dərinlikdə çəkilib.
Tural
