Yaponiya yenidən Rusiyanı Koreya Xalq Demokratik Respublikası (KXDR) ilə əməkdaşlıq edərək BMT Təhlükəsizlik Şurasının qətnamələrini pozmaqda ittiham edib.
Publika.az xəbər verir ki, bu barədə Yaponiya hökumətinin baş katibi Yoşimasa Hayaşi danışıb.
Onun sözlərinə görə, Rusiya guya KXDR-dən silah almaqla “açıq-aşkar BMT Təhlükəsizlik Şurasının qətnamələrini pozur”.
Yaponiya Nazirlər Kabinetinin baş katibi həmçinin Rusiya Federasiyası ilə KXDR arasında iddia edilən hərbi-texniki əməkdaşlıqla bağlı narahatlığını bildirib: “Biz bu əməkdaşlığın regiondakı və ölkəmizdəki təhlükəsizlik vəziyyətinə təsirindən son dərəcə narahatıq”.
Eyni zamanda o, Moskva ilə Pxenyan arasında imzalanmış hərtərəfli strateji tərəfdaşlıq sazişinin məzmununu şərh etməkdən çəkinib.
Hayaşi qeyd edib ki, Yaponiya beynəlxalq ictimaiyyətlə sıx əməkdaşlıq edərək, BMT Təhlükəsizlik Şurasının KXDR-i Pxenyanın nüvə raket proqramının inkişafının dayandırılmasına yönəlmiş qətnamələrinə tam əməl etməyə davam edəcək.
Adəm Abbaslı
