FİFA-nın mətbuat xidməti futbolda mavi vərəqələrin tətbiq ediləcəyi ilə bağlı məlumatla bağlı qurumdan açıqlama yayıb.

Publika.az xəbər verir ki, qurum iddiaları təkzib edib:

"FIFA açıq şəkildə bildirmək istəyir ki, futbolun elit səviyyəsində mavi vərəqə ilə bağlı deyilən xəbərlər yanlışdır. İstənilən bu cür testlər, əgər həyata keçirilərsə, daha aşağı səviyyələrdə məsul sınaqlarla məhdudlaşmalıdır. Bu məsələ ilə bağlı qərarı İFAB verir. Sözügedən təşkilatın martın 2-də baş tutacaq illik ümumi yığıncağında bu məsələ müzakirəyə açıq ola bilər".

Qeyd edək ki, bu barədə daha əvvəl "The Telegraph" məlumat yayıb. Perspektivli hücum zamanı taktiki qayda pozuntusuna yol verən, eləcə də hakimlərlə mübahisə edən futbolçuların mavi vərəqə ilə cəzalandırılacağı qeyd edilib. Futbolçular 10 dəqiqə meydanın kənarında gözləməli olacaqlar.

Heybət