“Qazprom”un mərkəzi ofisində 4,1 min nəfərdən 2,5 min nəfərə qədər işçi ixtisar ediləcək.

QÜTB.AZ xəbər verir ki, belə bir təklifi korporasiyanın rəhbəri Aleksey Millerə İdarə Heyətinin sədr müavini Yelena İlyuxina göndərib.

İlyuxina bildirib ki, “Qazprom” qrupunun qarşısında duran vəzifələr qərarların hazırlanması üçün tələb olunan vaxtın azaldılmasını, təkrarlanan funksiyaların və həddindən artıq bürokratik proseslərin aradan qaldırılmasını, əsas korporativ proseslərin həyata keçirilməsində iştirak edən işçilərin nəticələrinə diqqətin artırılması zərurətini tələb edir.

Sənəddə həmçinin qeyd edilir ki, son 20 ildə “Qazprom” administrasiyasının və onun Sankt-Peterburqdakı filialının işçilərinin sayı bir neçə dəfə artaraq 4100 nəfərə çatıb ildə.

İlyuxina, ayrılan vəsaiti qalan işçilərin motivasiyasını artırmaq və kadrların inkişafı üçün fəaliyyətlər üçün istifadə etməyi təklif edir. O, həmçinin avtomatlaşdırma və rəqəmsallaşdırma proseslərinin sürətləndirilməsini zəruri hesab edir.

“Qazprom”un İdarə Heyəti sədrinin müavini, İnformasiya Siyasəti Departamentinin rəhbəri Sergey Kupriyanov məktubun həqiqiliyini təsdiqləyib. “Sənəd aktualdır. Şərh etməyi planlaşdırmırıq”, - deyə Kupriyanov deyib.

Qeyd edək ki, 2023-cü ildə “Qazprom” Rusiyanın ən gəlirsiz şirkəti idi.

Adəm Abbaslı