Qazaxıstanın baş naziri Əlixan Smailov ehtiyatda olan zabitlərin iki illik hərbi xidmətə səfərbər edilməsi haqqında sərəncam imzalayıb.
Publika.az xəbər verir ki, bu barədə "EADaily" məlumat yayıb.
Qeyd olunub ki, hərbi xidməti başa vurmamış zabitlər hərbi xidmətə çağırılır.
"2024-cü ildə qanunla müəyyən edilmiş qaydada hərbi xidmətə yararlı və onu başa vurmamış ehtiyatda olan zabitlər 24 ay müddətinə hərbi xidmətə çağırılsın, zabit vəzifələrində hərbi xidmət keçsin", - sərəncamda deyilir.
Sənədə əlavədə qeyd olunur ki, bu il 600 nəfər Qazaxıstan Respublikası Silahlı Qüvvələrinə, 80 nəfər Sərhəd Xidmətinə, 42 nəfər Milli Qvardiya sıralarına, 30 nəfər Fövqəladə Hallar Nazirliyinə hərbi xidmətə çağırılır. Səfərbərliyin təşəbbüskarı respublikanın Müdafiə Nazirliyidir.
Hüseyn İbadlı
