İsrailin Milli təhlükəsizlik naziri İtamar Ben-Qvir fələstinli məhbusların yeməklərini azaltmayan həbsxana rəsmisi ilə müqavilə müddətini uzatmayacağını açıqlayıb.

Publika.az xəbər verir ki, Ben-Qvir sosial mediada daha bir qalmaqallı açıqlama verib.

Nazir fələstinli məhbuslara verilən gündəlik menyunu göstərən görüntünü də paylaşıb.

O israilli girovlara gündə yarım pide verildiyini iddia edib:

"Mənim aydın göstərişlərimə məhəl qoymayan hər kəs öz yerində qalmağa layiq deyil", - o deyib.

İfrat sağçı nazir sosial media hesabında həbs etdikləri fələstinlilərə İsrail himninin sədaları altında işgəncə verdiklərini etiraf etmişdi.

İsrail həbsxanasında bir fələstinli məhbus həyatını itirib. 2022-ci ildə həbs olunan məhkumun kimliyi açıqlanmayıb. Bildirilib ki, ölümün səbəbləri ilə bağlı araşdırmalar davam edir.

Aysel