Avropa Futbol Assosiasiyaları İttifaqının ( UEFA ) Klubların Maliyyə Nəzarəti Palatası (CFCB) maliyyə öhdəliklərini pozduğuna görə “Roma”nı 2 milyon, “Aston Villa”nı isə 60 min avro cərimələyib.
QÜTB.AZ xəbər verir ki, bu barədə qurumun rəsmi saytı məlumat yayıb.
CFCB 2023/2024 mövsümündə iştirak edən və ya hesablaşma rejimində olan komandaların çıxışını qiymətləndirib. Klublar siyahı xərclərinə əsasən qiymətləndirilib.
Vurğulanır ki, bütün klublar 2023/2024 mövsümü üçün qüvvədə olan 90% daxilində heyət xərcləri nisbəti barədə məlumat veriblər. Lakin “Aston Villa” maliyyə məlumatlarını vaxtında təqdim etmədiyi üçün sanksiyaya məruz qalıb. “Marsel” eyni bəndlə 20 min avro cərimələnib.
“Roma” 2023-cü maliyyə ili üçün nəzərdə tutulan aralıq hədəfi əhəmiyyətli dərəcədə ötdüyü üçün cərimələnib.
