Rusiya Mərkəzi Seçki Komissiyası (MSK) prezidentliyə namizəd, hazırkı dövlət başçısı Vladimir Putinin əmlakı barədə məlumat yayıb.
Publika.az xəbər verir ki, bu barədə Rusiya mətbuatı məlumat yayıb.
Məlumata görə, Putinin 6 il ərzində ümumi gəliri 67 milyon 591 min 875 rubl (750 min ABŞ dolları) təşkil edib. Həmçinin Sankt-Peterburqda mənzil (77 kv.m) və qaraj (18 kv.m.), eləcə də üç avtomobil qeyd edilib.
Vladimir Putinin 54 416 604,52 rubl (təxminən 604 min ABŞ dolları) və “PJSC Bank Sankt-Peterburq”un 230 səhmi (bir səhmin nominal dəyəri 11,81 rubl) olan 10 bank hesabı var.
Dövlət başçısı Moskvada mənzilə (153,7 kv.m.) və Sankt-Peterburqda qeyri-müəyyən istifadə üçün nəzərdə tutulmuş parkinq yerinə (18 kv.m) sahibdir.
